လေ့လာချက်များအရ စီးပွားရေးလုပ်ငန်းခေါင်းဆောင်များအနက် ထက်ဝက်နီးပါးသည် အချိန်တိုအတွင်း ဆုံးဖြတ်ချက်ချရာတွင် အထောက်အကူဖြစ်စေရန်အတွက် အချက်အလက်များကိုအသုံးချမှုနည်းပါးကြသည်။ သို့သော် ယနေ့ခေတ်စီးပွားရေးအခြေအနေတွင် အချက်အလက်များကို မြန်မြန်ဆန်ဆန်အသုံးချရန်အခက်အခဲများရှိလာပြီး တစ်ချို့ဆုံးဖြတ်ချက်ချမှတ်ခြင်းများသည် အဖွဲ့အစည်းများရဲ့ အားနည်းချက်များဖြစ်လာသည်နှင့်အမျှ သုံးစွဲသူများ၏လိုအပ်ချက်ကိုတုံ့ပြန်နိုင်စွမ်း၊ သတ်မှတ်ချက်များနှင့်ပြည့်မီရန် ထုတ်ကုန်များကို ဈေးကွက်သို့ပို့ဆောင်ခြင်းနှင့် အခြား အရေးပါသောရည်မှန်းချက်များစွာကို ထိခိုက်လာပါတယ်။ လေ့လာချက်များအရ ၈၈% လောက်သော လုပ်ငန်းများက ဆုံးဖြတ်ချက်များချတဲ့အခါ Software Tools များကိုအသုံးပြုကြပါတယ်။ လုပ်ငန်းသုံး Software Tools တော်တော်များများသည် လုပ်ငန်းခေါင်းဆောင်များ နေ့စဉ်ချမှတ်ရသောဆုံးဖြတ်ချက်များ အတွက် လိုအပ်သော Functions များမပါ၀င်တတ်ကြပါဘူး။ ပိုမိုမြန်ဆန်ပြီး ပိုမိုကောင်းမွန်သော ဆုံးဖြတ်ချက်များချမှတ်နိုင်ရန်အတွက် အသုံးပြုမည့်Software Tools တွင် လိုအပ်သော Functions (၃) ခု ကိုဖော်ပြပေးသွားပါမယ်။
၁။ အချက်အလက်များကိုလွယ်ကူစွာပြောင်းလဲနိုင်ပြီး ခွဲခြမ်းစိတ်ဖြာနိုင်ခြင်း
မတူညီသောနေရာများမှ အချက်အလက်များ စွာဖြင့် အလုပ်လုပ်ရခြင်းသည် မလိုအပ်သော ရှုပ်ထွေးမှုများကိုဖြစ်ပေါ်စေနိုင်ပြီး အလုပ်များကိုခွဲခြမ်းစိတ်ဖြာနိုင်ရန်နှောင့်နှေးနိုင်သည်နှင့်အတူ သင်၏ ဆုံးဖြတ်ချက်ချနိုင်စွမ်းကိုပါထိခိုက်နှေးကွေးစေပါတယ်။ အများအားဖြင့် Team တော်တော်များများက အရေးကြီးသော အရာများကို မဆောင်ရွက်ခင် ၎င်းတို့၏ တန်ဖိုးရှိသောအချိန်များနှင့်လုပ်အားများကို အချက်အလက်များကို ဖိုင်တစ်ခုအဖြစ်ဆောင်ရွက်ရာတွင်သာ အချိန်ကုန်နေကြပါတယ်။ ထို့အပြင် အချက်အလက်များ ကူးယူခြင်း နှင့် ကူးထည့်ခြင်းကိုလုပ်ဆောင်ရာတွင်ပုံစံတစ်မျိုးထဲလုပ်ဆောင်နေခြင်းက အချက်အလက်မှားယွင်းခြင်းများဖြစ်ပေါ်တတ်ပြီး ယုံကြည်စိတ်ချမှုအားနည်းလာနိုင်ပါတယ်။ ထို့ကြောင့်အသုံးပြုမည့် Software Tool တွင် အဆိုပါပြဿနာများကိုဖြေရှင်းပေးနိုင်သော မည်သည့်နေရာမှ မည်သည့်အချက်အလက်များကိုမဆိုလွယ်ကူရှင်းလင်းစွာ စီမံခွဲခြားစိတ်ဖြာနိုင်သော Function များကို ရွေးချယ်ရန်လိုအပ်ပါတယ်။ အဲ့ဒီလို Function သာပါဝင်မယ်ဆိုရင် စီမံခွဲခြားစိတ်ဖြာရသောအလုပ်များကို အရင်ပုံစံကိုပြောင်းလဲစရာမလိုဘဲ အမှားအယွင်းကင်းစွာဆောင်ရွက်နိုင်ပါတယ်။
၂။ အချိန်နှင့်တပြေးညီ အစီရင်ခံတင်ပြနိုင်ခြင်း နှင့် လွယ်ကူမြင်သာစွာအသုံးပြုနိုင်ခြင်း
များပြားလှသော raw data များဖြင့် အလုပ်လုပ်ကိုင်ရခြင်းသည် စိန်ခေါ်မှုတစ်ခုဖြစ်ပါသည်။ မရေမတွက်နိုင်သော Cellsများ၊ Columnsများနှင့် Sheetsများမှ အဓိပ္ပါယ်ရှိသော အချက်အလက်များကို ခွဲခြားရန်မှာခက်ခဲပါသည်။ ထိုကြောင့် raw data များကိုလွယ်ကူမြင်သာသောပုံစံများအဖြစ် ပြောင်းလဲခြင်းသည် ပုံစံခွဲခြားသတ်မှတ်ခြင်းကို ပိုမိုကောင်းမွန်လာစေပြီး အလုပ်လုပ်နိုင်စွမ်းကိုလည်း မြှင့်တင်ပေးနိုင်ပါသည်။ လျင်မြန်သော အချက်အလက်များအပေါ်အခြေခံကာ ဆုံးဖြတ်ချက်များချမှတ်နိုင်ရန် လုပ်ငန်းခေါင်းဆောင်များအတွက် ယုံကြည်စိတ်ချရ၍တိကျသောအချက်အလက်များကို တစ်နေရာတည်းတွင်ကြည့်နိုင်မည့် Software Tool တစ်ခုလိုအပ်ပါသည်။ ခန့်မှန်းအသုံးစရိတ် နှင့် အမှန်တကယ်ကုန်ကျသောအသုံးစရိတ်တို့အား အချိန်နဲ့တစ်ပြေးညီပြသခြင်း၊ Project management ကို tracking လုပ်ခြင်း၊ reporting နှင့် Real-time dashboards တို့က လျင်မြန်သော ဆုံးဖြတ်ချက်များချရန် အကူအညီများပေးနိုင်ပါတယ်။
၃။အချက်အလက်များတစ်ခုနဲ့တစ်ခုချိတ်ဆက်နိုင်ခြင်း
ယနေ့ခေတ်တွင် Team အများစုက မတူညီသော Applications များကို အသုံးပြုကာ အစီအစဉ်ဆွဲခြင်း၊ အချက်အလက်မျှဝေခြင်း၊ ပရောဂျက်များနှင့် လုပ်ငန်းဆောင်တာများကိုလုပ်ဆောင်ခြင်းစသည့်တိုကိုလုပ်ဆောင်ကြပါသည်။ ပိုမိုကောင်းမွန်သော ဆုံးဖြတ်ချက်များချရန်အတွက် မတူညီသောနေရာများမှအချက်အလက်များကိုအသုံးပြုကြပါတယ်။ Cloud Storage များဖြစ်ကြသော Dropbox, Microsoft One Drive, Google Drive နှင့်သာမက Business အတွင်းချိတ်ဆက်ပေးသော Slack, Skype တို့ကိုပါ အသုံးပြုကြပါတယ်။ နိဂုံးချုပ်အနေဖြင့် အမှန်ကန်ဆုံး ဆုံးဖြတ်ချက်များကိုအချိန်တိုတိုအတွင်းချမှတ်နိုင်ရန် စီးပွားရေးခေါင်းဆောင်များအတွက် အချက်အလက်များကို စနစ်တကျ စီမံခန့်ခွဲပေးနိုင်သော Software Tools များလိုအပ်ပါတယ်။ ဖော်ပြပါ Functions ၃ မျိုး ဖြင့်တည်ဆောက်ထားသော Software Tools များသည် သင့်အား အချိန်ကုန်သက်သာစေပြီး မှန်ကန်သောဆုံးဖြတ်ချက်များချနိုင်ရန် ကူညီပေးနိုင်ပါတယ်။
Ref: Smartsheet
